Pasi GJKKO e la në burg me akuzën e korrupsionit, Këshilli i Lartë i Prokurorisë pritet të mblidhet ditën e nesërme për të vendosur mbi pezullimin e Prokurorit të Sarandës Sali Hasa.
Sot Gjykata Kundër Korrupsionit dhe Krimit të Organizuar ka lënë në burg prokurorin e Sarandës, Sali Hasa pasi ky i fundit u arrestua me urdhër të SPAK si i përfshirë në korrupsion.
Arrest shtëpie është vendosur për zyrtarin e klubit të futbollit Përmeti, Bledar Hajredinaj. Sipas asaj që shkruan News24, Hasa është nën akuzë pasi ka shpëtuar nga ndjekja penale Erjon Miranin, një prej 6 personave të arrestuar disa ditë më parë.
Prokurori Hasa, sëbashku me 6 persona të tjerë, mes tyre dhe zyrtari i klubit të futbollit Përmeti, Bledar Hajredini si dhe një oficer i policisë gjyqësore, Napoleon Hodaj u arrestuan ditën e shtunë nën akuzën e korrupsionit.
Në pranga gjithashtu u vendos dhe Qerim Ruçi, arbitër i ndeshjeve të futbollit. Arbitri Ruçi dhe Bledar Hajredini akuzohen për veprën penale ‘Paracaktim i rezultateve në garat sportive’./m.j
