Në harkun e 70 vjetëve, ndryshimet klimaterike mund t’i bëjnë të papraktikueshme ngjarjet sportive në natyrë: një shembull se si ngrohja globale po ndryshon zakonet tona.
Mes gjithë pasojave të ndryshimeve të klimës, ky është pa dyshim më pak i rëndësishmi. Por këto ditë, duke qenë nën atmosferën e Lojërave Olimpike që po zhvillohen në Rio, Brazil, është diçka që edhe mund të çohet nëpër mend; pas disa dhjetëvjeçarësh pjesa më e madhe e qyteteve të planetit mund të jenë tepër ‘përveluese’ për të pritur Olimpiadën e Verës.
Në 2085, më pak se 10 qytete të hemisferës veriore të Europës Perëndimore do të ketë temperatura të përshtatshme për të lejuar mbajtjen e sporteve në natyrë. Ky është rezultati i një analize të Universitetit të Kalifornisë ‘Berkeley’, të publikuar në ‘Lancet’.
METODA. Kërkuesit kanë arritur në këtë përfundim duke analizuar rrezatimin ngrohës, lagështirën, temperaturat dhe të dhënat mbi erërat e një serie qytetesh të klasifikuar si kandidate për mbajtjen e lojërave olimpike, përmes dy modeleve të ndryshme të klimës, të kombinuara për të nxjerrë një matje të lagështisë absolute të mjediseve të ndryshme. Ekipi i studiuesve është përqendruar në qytetet e hemisferën veriore, ku jeton 90% e popullsisë, dhe në veçanti tek ato me më shumë se 600.000 banorë (kusht i domosdoshëm për një kandidat për të pritur Olimpiadën).
Në këtë pikë, ata kanë përjashtuar nga lista e vendeve potenciale pritëse, të gjitha ato qytete që kishin një probabilitet më të madh se 10% për të anuluar një maratonë për arsye të lidhura me klimën. Sot kriteri prej 10% është përdorur, për shembull, për të zgjedhur qytetet për olimpiadat dimërore: në qoftë se në një prej tyre ka mundësi shumë të ulët të reshjeve të borës, prirjet janë për t’u përzgjedhur një kandidat tjetër.
SHUMË TË NXEHTA. Dhe kështu rezultoi se, pas 70 vjetësh, vetëm një pjesë e vogël në mesin e 543 qyteteve të mundshme kandidate të hemisferës veriore, mund të presin Lojërat. Stambolli, Madridi, Roma, Parisi dhe Budapesti – të cilët kanë luftuar ose janë duke luftuar për t’u bërë qytetet olimpike në edicionet e ardhshme – nuk do të ketë një klimë të pranueshme. Dhe, as Tokio, që do të presë Lojërat Olimpike në vitin 2020, nuk mund të sigurojë në 2085 kushtet e domosdoshme të sigurisë dhe shëndetit për mbajtjen e konkurseve të hapura, shkruan shqip.
ZGJEDHJE E DETYRUAR. Ngelen Shën Petërburgu (Rusi), Riga (Letoni), Biškek (Kirghizistan), Ulan Bator (Mongoli), Calgary (Kanada), Vancouver (Kanada) dhe San Francisco (SHBA) si dhe 25 qytete më të vogla në Europën Perëndimore. Asnjë metropol amerikano-latin ose afrikan nuk do të sigurojë një klimë të pranueshme.
Sigurisht, bëhet fjalë vetëm për një model. Por kjo është e mjaftueshme për të bërë më konkrete ndikimin e ndryshimeve klimatike në jetën tonë të përditshme.
