Japonia ka hequr ndalesën 67-vjeçare të vallëzimit në publik për qeflinjtë e jetës së natës.
Ky rregull ndalonte vallëzimin në publik vetëm nëse vendi lokali ka një licencë. Madje edhe te lokalet e licensuara vallëzimi duhet të ndalojë në mesnatë.
Ky ligj erdhi në fuqi pas Luftës së Dytë Botërore për të goditur hapësirat e vallëzimit që ishin shndërruar në vatër të prostitucionit.
Që atëherë, Japonia është shndërruar në një shtet të zhvilluar por vallëzimi ka mbetur i ndaluar për dekada të tëra.
Pavarësisht ligjit, vallëzimi edhe pas mesnate, është toleruar në gjysmën e dytë të shekullit të 20-të.
Për fat të mirë, adhuruesit e jetës së natës së shpejti do të jenë në gjendje të festojnë pasi muzikanti japonez, Ryuichi Sakamoto, bëri thirrje për heqjen e ndalimit dhe mblodhi 150,000 nënshkrime.
Ligji i ri u miratua në fund të javës së kaluar dhe do të hyjë në fuqi vitin e ardhshëm. Deri atëherë, vallëzimi natën vonë do të mbetet ilegal.
