Është vend anëtar i Bashkimit Europian prej gjashtë vitesh, dhe tashmë Kroacia është gati për t’u bërë pjesë e zonës Shengen.
Sipas eurokomisionerit Avramopulos, Shengen-i është një zonë që ofron liri dhe privilegje por dhe përgjegjësi të madhe:
“Të qënurit pjesë e këtij klubi nuk është dicka që duhet marrë lehtë”, paralajmëroi ai.
Pas katër vitesh vlerësimi komisioni europian mendon se Zagrebi plotëson kushtet e duhura për të qenë pjesë e zonës së qarkulimit të lirë, ku nuk ka kontrolle në kufij. Vendet që bëhen pjesë e zonës Shengen duhet të jenë në gjendje të garantojnë sigurinë e kufijve të jashtëm, një aspect shumë i rëndësishëm ky sidomos pas krizës së emigrantëve në vitin 2015.
Një lajm i dhimbshëm për Rumaninë dhe Bullgarinë, vende anëtare të Bashkimit Europian që nga viti 2007, por që nuk janë ende pjesë e zonës Shengen.
Kjo çështje ka shkaktuar përcarje dhe mes eurodeputetëve, por tashmë u takon qeverive kombëtare që të vendosin nëse do i lejojnë apo jo Kroacisë të jetë pjesë e zonës Shengen. /e.s/
