Një nga kompanitë më të mëdha europiane “Air France” ka nisur fluturimet nga Shqipëria.
Kompania franceze rifillon fluturimet drejt Tiranës, 32 vjet pas fluturimit të fundit nga Rinasi.
“Është një hap i rëndësishëm sepse diaspora shqiptare përdor vende si Mynihu, tashmë do i shtohet edhe Parisi”, tha Ministrja e Infrastrukturës dhe Energjisë, Belinda Balluku.
“Kjo sepse provohet tregu sesi funksionon dhe pastaj rritet edhe kohëzgjatja edhe frekuenca. Ideja është, nëse ecën mirë programi, për dimrin të jetë të paktën tre herë në javë”, u shpreh Çarkaxhija.
“Air France” kryen fluturime në mbi 300 destinacione. Për t’iu përgjigjur kërkesave të kompanive europiane ka nisur edhe zgjerimi i terminalit të aeroportit.
Sipas Ministres së Infrastrukturës dhe Energjisë, në fund të muajit korrik pritet të përfundojnë edhe punimet.
