Pas 10 orë seancë parlamentare, Kuvendi ka miratuar projektligjet e parashikuara në rendin e ditës. Me 72 vota pro dhe 22 kundër, Kuvendi miratoi ligjin Forcat e Armatosura. Ndërkohë me 75 vota pro dhe 19 kundër është miratuar ligji për procedurat tatimore, si dhe amendamenti i Komisionit të Ekonomisë për procedurat tatimore, të deputetëve Koçi, Braçe dhe Angjeli, i cili i jep të drejtë klientit të mos bëjë transaksion nëse nuk pajiset me faturë.
Po ashtu Kuvendi miratoi ligjet “Për metrologjinë”, “Për sektorin e gazit natyror”, si dhe miratimi i kontratës së koncesionit të formës “BOT”(ndërtim, shfrytëzim dhe transferim) të një porti të llojit MBM në Porto Romano, ndërmjet qeverisë shqiptare dhe shoqërisë koncesionare “Porti MBM (MULTI BUOY MOORING)’.
