Skënderbeu do të përballet nesër me Partizanin e Beogradit në Serbi, sfidë e vlefshme për fazën e grupeve të “Europa League”, ku që të dyja ekipet do të kërkojnë të marrin maksimumin për të shpresuar tek kualifikimi për në fazën tjetër.
Një duel emocionues dhe i fortë gjë që u shfaq dhe në ndeshjen e parë që u mbyll me rezultatin 0-0, ndërsa pritet që dhe atmosfera të jetë mjaft e ndezur.
Ekipi shqiptar ka mbërritur sot në Beograd, ndërsa ajo që u vu sërish re ishte prezneca e lartë e policisë për të shoqëruar ekpin e Skënderbeut nga aeoroporti në drejtim të hotelit.
Në drejtim të kryeqytetit serb me skuadrën e Skënderbeun kanë udhëtuar për herë të parë 7 policë privatë dhe dy efektivë të policisë së shtetit si masa sigurie gjatë qëndrimit në Serbi.
Ndërkohë, në lidhje me ndeshjen e nesërme që do të luhet në orën 19:00, për të siguruar mbarvajtjen e takimit masat do të jenë shumë të lartë pasi janë angazhuar rreth 700 forca policie që do të ofrojnë sigurinë në stadium.
Gjithashtu, në impiantin e Beogradit janë instaluar dhe 95 kamera për të regjistruar veprimet e tifozëve në tribuna dhe për të gjetur fajtorët nëse do të krijohen incidente.
Një numër i madh masash sigurie për të bërë të mundur që të mos krijohet asnjëlloj incidenti, siç ndodhi në ndeshjen e tre viteve më parë mes kombëtares së Serbisë dhe Shqipërisë e cila u ndërpre për shkak të trazirave nga ana e tifozave vendas të cilët pushtuan fushën e lojës për të dhunuar lojtarët shqiptar.
Klubi i Partizanit të Beogradit dhe lojtarët e saj u kanë bërë thirrje tifozave të tyre që të ruajnë qetsinë dhe të mos përdorin thirrje raciste pasi do të penalizohen rëndë nga UEFA.
Ata kanë kërkuar që t’i kthehet respekti ekipit shqiptar, ashtu siç ata i pritën në ndeshjen e parë në “Elbasan Arena” ku nuk u krijua asnjë incident dhe gjithçka filloi dhe u mbyll në mënyrë perfekte.
Të dyja skuadrat kanë nga dy pikë të grumbulluara në tre ndeshjet e para dhe një fitore nesër do të ishte një hap i rëndësishem për tu kualifikuar në fazën tjetër./TemaTV
