U mbyll me fitoren 1-0 të vendasve “derbi” i kryeqytetit mes Kamzës dhe Partizanit. Një gol i Erlis Ymerit i dha fitoren skuadrës së Ramadan Ndreut dhe zhyti në krizë të plotë skuadrën e kuqe.
Vetëm një shtyllë në minutën e 49-të nga Batha dhe asgjë më shumë për skuadrën e Partizanit nga e cila pritej shumë më shumë. Nga ana tjetër Kamza u tregua cinike, duke u mbrojtur mirë dhe falë një aksioni model me protagonist Sebino Plakun dhe Erlis Frashrin arriti t’i ndëshkonte “demat e kuq” .
Me fitoren e sotme Kamza u ngjit në kuotën e 15 pikëve, duke u konsoliduar në vendin e 4-t të renditjes ndërsa Partizani mban vendin e 5-të me vetëm 11 pikë në 9 takime.
MINUTE PAS MINUTE
Ka përfunduar takimi, Kamza-Partizani 1-0.
90+1′ Kamza kryen zëvendësimin e parë, largohet Rezi në fushë Mumajesi.
85′ Tjetër mundësi shënimi për Sebino Plakun, por sulmuesi nuk tregohet i saktë këtë herë.
83′ GOOL 1-0. Një kundërsul vrasës i Kamzës, i cili nis me Sebino Plakun dhe në fund finalizohet me gol nga Ymeri.
79′ Iuliano kryen edhe zëvendësimin e dytë, largohet Basrak në fushë Xhixhiua.
73′ Kuqi ndëshkohet me karton të verdhë për ndërhyrje të gabuar ndaj Trashit.
72′ Partizani kryen zëvendësimin e parë, largohet Bardhi në fushë Jasir Asani.
71′ Lorenc Trashi ndëshkohet me karton të verdhë pas ndërhyrjes së gabuar ndaj Frashërit.
70′ Goditje dënimi në hyrje të zonës për Partizanin. Provon Batha me të djathtën, gjuajtja përfundon jashtë kuadratit.
67′ Kamza provon të shqetësojë Partizanin me një kundërsulm të shpejtë me Arabal, po ndërhyn në momentin e fundit Ibrahimi duke larguar rrezikun.
64′ Kroson La Kamera nga e djathta, mbrojtësit e Kamzës largojnë rrezikun.
49′ Pa fat në këto momente skuadra e Partizanit, Batha provon nga goditja e dënimit, topi përplaset në shtyllën pingule të portierit Halilaj.
46′ Ka nisur pjesa e dytë.
Mbyllet pjesa e parë, Kamza-Partizani 0-0.
45+1′ Fukui ndërhyn në mënyrë të gabuar ndaj Basrak. Goditje dënimi për Partizanin. Kroson Trashi, futbollistët e kuq shkaktojnë faull në sulm.
45′ Gjyqtari akordon 2 minuta shtesë.
44′ La Kamera provon me një krosim nga e djathta, topi përfundon në duart e portierit Halilaj.
40′ Shumë gabime nga të dy skuadrat, të cilat qëndrojnë shumë larg portave respektive.
26′ Basrak provon me një gjuajtje fluturimthi, topi përfundon mbi kuadrat.
25′ Goditja e parë nga këndi i përket skuadrës së Kamzës. Krosim i bukur në zonë, por mbrojtësi Fushtar shkakton faull në sulm.
20′ Skuadrat qarkullojnë topi në mesfushë, asnjë rrezik në portat e ekipeve kundështare.
9′ Xhavani La Kamera ndëshkohet me karton të verdhë pas ndërhyrjes së gabuar ndaj Sebino Plakut në mesfushë.
6′ Tjetër moment i mirë për Partizanin, Batha lëshon një gjuajtje nga jashtë zonës, por në pozicion portieri Halilaj, i cili zotëron topin.
4′ Mundësia e parë për Partizanin, Trashi shmang Taulant Kuqin brenda zonës, provon me të majtën, por topi përfundon jashtë kuadratit.
1′ Ka nisur takimi, Partizani shkelmon topin e parë nga qendra.
Kamza – Partizani 1-0
Kamza: Halilaj, Frashëri, Fushtar, Kuqi, Idrizaj, Fukui, Arrabal, Ymeraj, Rezi, (Mumajesi 90+1′), Plaku, Raçiç.
Trajner: Ramadan Ndreu
Partizani: Hoxha, Ibrahimi, Malota, Krasniqi, Kalari, La Kamera, (Sulejmani 84′), Vila, Batha, Trashi, Bardhi, (Asani 72′), Basrak. (Xhixhiua 79′)
Trajner: Mark Juliano
Gjyqtar: Juxhin Xhaja
KV: Fushtar 73′, Raçiç 75′ / La Kamera 9′, Trashi 71′/parnorama
