Derbi i kryeqytetit në futbollin shqiptar mori ngjyrat e Partizanit në ndeshjen që ngriti siparin e javës së 6 në kategorinë Superiore. “Demat e Kuq” u imponuan 1-0 ndaj bardhebluve në një 90 minutësh ku atmosfera elektrizuese e tifozëve spikati më shumë se loja në fushë.
Shumë shpejt mesazhet e tifomesazhet e tifozërive i lanë vendin fushës. Pas minutave të para të kujdesshme ishte skuadra e Ze Marias që provoi të prishte ekuilibrat me Edon Hasanin por mesfushori shpërdoroi një shans që nuk do ti vinte kurrë më në derbi. Atë që nuk bëri Tirana, e konkretizoi Partizani në minutën e 21 me Esat Malën. Mesfushori i të kuqve iu vodh prapavijës së bardheblkuve duke shënuar në një pozicion të vështirë pranë pikës së bardhë të penalltisë.
Maveje dhe Sentamu provuan më pas që të rikthenin barazimin por derbi shkoi në pushim me avantazhin e Partizanit. në fraksionin e dytë trajneri Ze Maria bëri zëvendësime për të rifreskuar lojën, por skuadra nuk iu përgjigj si duhet dhe rastet mbetën sporadike dhe asnjëherë të rrezikshme. Hila iu afrua golit të dytë për Partizanin por rrjeta e jashtme vetëm sa dha iluzionet e golit të dytë në derbi që nuk erdhi kurrë.
Partizani ruajti suksesin që i jep vendin e parë me 13 pikë, dy më shumë se Skënderbeu që luan të shtunën në Durrës ndaj Teutës.
***
Në “Selman Stërmasi” po luhet derbi i kryeqytetit mes Tiranës dhe Partizanit, një sfidë e vlefshme për javën e 6-të të Kategorisë Superiore. Momentalisht rezultati është Tirana 0-1 Partizani
“Live” te gjithë rastet dhe momentet pikante të ndeshjes
“Live” te gjithë rastet dhe momentet pikante të ndeshjes
46′ Nis pjesa e dyte
45+3′ Mbyllet pjesa e parë:
Është mbyllur pjesa e parë e derbit të kryeqytetit, midis Tiranës dhe Partizanin. Një 45 minutësh që i buzëqeshi “të kuqve”, me “demat” që arritën ta mbyllin në avantazhin minimal 1-0. Një gol i Esat Mala në minutën e 21 do vendos gjithçka deri në këto momente. Mesfushori shtatshkurtër lëvizi saktë në zonë dhe duke i “vjedhur” kohën mbrojtjes bardheblu tundi rrjetën.
45′ Akordohen 3 minuta shtese
41′ Karton i verdhe per Hilen
30′ Aksion i bukur i Tiranes, godet Daja, por pret Hoxha
26′ Trashi tenton te dyfishoje, por goditja e tij perfundon jashte
21′ GOOOOL PARTIZANI 0-1. Mala kalon në avantazh të kuqtë pas një asisti perfekt të Asanit.
18′ Telushi merr persiper ekzekutimin e goditjes se denimit. Niset, gjuan fort por pak larg kuadratit
18′ Turtulli ndëshkohet me karton të verdhë
14′ Asani ekzekuton nje goditje denimi, tenton porten, por Lika grushton dhe largon rrezikun
12′ Daja kroson bukur në zonë, Hasani godet me kokë duke shpërdoruar një rast të artë
11′ Skeme e Tiranes, Maveje godet, por goditja e tij shkon shume larg
2′ Partizani tenton goli, Bruno Telushi provon nga distanca por sfera shkon shumë larg kuadratit
1′ Nis takimi në “Selman Stërmasi”
***
Pas pak Tirana dhe Partizani zbresin në fushën e “Selman Stërmasit” në një 90 minutësh të cilësuar si derbi i kryeqytetit.
Ndërkohë janë bërë publike edhe formacionet zyrtare me të cilët skuadrat do të zbresin në fushën e lojës. Nuk mungojnë surprizat, teksa Oduamadi ja ka dalë të hedhë pas krahëve dëmtimin duke qenë në formacionin titullar. /a.ç
