Partizani do të presë Salzburgun e Austrisë sot në Elbasan Arena, në një takim tepër të vështirë për Champions League. Trajneri Adolfo Sormani e merr me qetësi, duke mos shfaqur më entuziazmin e kualifikimit të një raundi më parë, me Ferencvaroshin, duke synuar të mbajë skuadrën me këmbë në tokë. Në filozofinë e italianit, skuadra është një, prandaj ai për simbolikë, zgjodhi të kishte në krahun e tij portierin e dytë, Dashamir Xhika dhe jo Alban Hoxhën, i cili u bë kryefjalë në kampin e kuq pas kualifikimit historik.
“Ka shumë optimizem ndoshta edhe pak më shumë se sa ajo që na lejohet. I ftoj te gjithe qe te rikthehen me kembe ne toke. Eshte nje sfide e veshtire, miu kunder elefantit. Kujtoj qe Salsburgu eshe ne vendin e 48 te klasifikimit të UEFA-s dhe ka lojtare me vlere 50 mln Euro. Soriano qe eshte edhe kapiteni i tyre, kushton 7.5 mln. Ju kujoj te gjitheve se presidenti jone eshte shume i ekujlibruar dhe ai me zgjodhi mua per kulturen e punes. Duhet te punojme shume dhe te flasim pak. Duhet te jemi perfekte perballe cdo kundershtari. Ju garantojme se do te luajme me krenari per tifozet dhe fanellen tone”.
Sormani ndoqi të njëjtën linjë gjatë gjithë konferencës për shtyp, duke i dhënë rëndësinë që meriton një ndeshje e tillë, po pa kaluar në eufori.
“Per mua te gjitha ndeshjet kane te njejten rendesi madje dhe miqesoret. Eshte nje përballje qe na jep mundesine per t’u ndeshur ndaj nje skuadre me shume vlera. Nuk e kishim planifikuar nje sfide te tille por ky eshte nje rast për te treguar se sa vlejmë”.
“Skuadra vjen pas 120 minutave te luajtura ne Hungari vetem disa dite me pare. Jemi perpjekur te rikuperojme sa me shume energji dhe te gjithe lojtaret te jene gati. Ndoshta nuk do t’i kem te gjithe ne dispozicion por kete e dinim”.
Në fund, thotë se dy blerjet e fundit, Volas dhe Bertoni, nuk janë ende gati për të zbritur në fushë.
Ss/d.i.
