Pas humbjes 1-3 në Selman Stermasi, Partizani është mposhtur sërish nga Potev Plovdivid në Bullgari 1-0.
Të kuqtë janë eliminuar me rezultatin final 4-1 nga bullgarët e Potev Plovdivid, të cilët edhe në Burgas kanë dominuar lojën. Goli i vetëm i takimit u shënua nga Brisola në të minutën e 22′.
Tensioni i ndeshjes tek të kuqtë e drejtuar nga Sulejman Starova, dallohet edhe nga numri i kartonëve të verdhë të marrë nga lojtarët e Partizanit, plot 5 të tillë, ndërsa nga kundërshtari nuk pati asnjë të ndëshkuar.
Të kuqtë, në 10 minutat e fundit krijuan disa raste për shënim me Prognin e Sukajn, por nuk arritën të shënonin dot. Me këtë humbje të dytë, mbyllet me kaq aventura europiane e Partizanit, që nga tani e mbrapa do të fillojë të mendojë për ndërtimin e skuadrës për sezonin e ri, ku objektivi mbetet padyshim fitimi i titullit kampion.
