Skënderbeu dhe Partizani kanë finalizuar bisedimet për të zgjidhur çështjen e numrit të tifozëve të kuq që do të jenë të pranishëm në sfidën që do të luhet në Korçë.
Nëpërmjet një komunikate zyrtare, klubi kryeqytetas thekson se negociatat me Klubin e Skënderbeut dhe Drejtorinë e Policisë të “Qarkut Korçë po vazhdojnë. “I garantojmë tifozerisë që klubi po bën maksimumin që në dispozicion të mbështetësve të Partizanit të vihet një sasi më e madhe biletash dhe jo 5% nga sa e përmban rregullorja. Në adresë të tifozerisë së kuqe klubi organizator Skënderbeu pritet të rezervojë 800 bileta të sektorit E, Tribunë në të cilën do të akomodohet tifozeria e kuqe.
Klubi Partizani përshëndet publikisht bashkëpunimin me klubin organizator të Skënderbeut dhe Drejtorinë e Policisë të Qarkut Korçë, të cilët në këtë mënyrë po shfaqen të gatshëm dhe të hapur për t’iu përgjigjur kërkesës tonë. Njëkohësisht Klubi saktëson se për këtë transfertë masive do të vendosë në dispozicion të tifozerisë 12 autobuzë”, theksohet në komunikatën zyrtare.
Supersport
