Partitë popullore evropiane përkrahin qeverisjen Kurti-LDK, bëhet e ditur në një email që ka ne adresen e saj KosovaPress.
Në një komunikim zyrtar të një deputeti gjerman në Parlamentin Evropian, bëhet e qartë se partitë popullore evropiane, përfshirë edhe Doris Packun, i japin përkrahje ndërtimit të qeverisë nga Albin Kurti dhe Lidhja Demokratike e Kosovës, pohon Kosovapress.
Në komunikim theksohet edhe artikulli i botuar në “Züricher Zeitung” me Titullin “Mjaft më me lordët e luftës”.
Eurodeputetët po ashtu janë të interesuar të mësojnë edhe emrat e deputetëve të zgjedhur për në Parlamentin e Kosovës.
Në zgjedhjet e mbajtura më 11 qershor, koalicioni PDK-AAK-Nisma ka dal i pari, por nuk ka numrat e mjaftueshëm të formojë qeverinë, e dyta ka dalë Lëvizja Vetëvendosje, ndërsa në pozitën e tretë radhitet koalicioni LDK-AKR-Alternativ. (b.an)
