E ndërsa vendi ndodhet në proces votimi, partitë politike ende nuk kanë thyer heshtjen elektorale. Nga këtu nuk përjashtohen as dy partitë më të mëdha të vendit, Partia Socialiste dhe Partia Demokratike.
Në të dyja objektet situata paraqitet e qetë. Kryetarët e forcave politike nuk kanë shkuar ende në selitë e tyre, në të cilat ndodhen vetëm disa punonjës, si recepsioni e përfaqësues të shtabit elektoral.
Gazetarja Elja Zotka, raporton nga selia e Partisë Socialiste se “ka një qetësi vrastare”. Pritet që të ketë lëvizje pas orës 12.00, e ndërsa do të ketë nga pasditja thirrje për pjesëmarrje nga votime nga kjo seli.
“Nuk ka situatë, pushteti i PS është në duart e mediave. Ka një qetësi vrastare. Janë vetëm zonjat e recepsionit, unë, operatori e disa kolegë tanë nga mediat e tjera, që ndjekin zhvillimet. Lëvizjet në selinë rozë vijnë pas orës 12. Rama do votojë rreth orës 10.30, por ende nuk është zyrtarizuar.
Do të ketë deklarata herë pas herë. Do bëhën thirrje për pjesëmarrje në zgjedhje”, raporton Zotka.
Sakaq, gazetarja Jolldiz Shuaipi, nga selia blu, raporton gjithashtu se situata paraqitet e qetë dhe se kryedemokrati Sali Berisha ende nuk ka mbërritur aty. Me gjasa amerikani Chris LaCivita do të mbërrije më vonë gjatë ditës së sotme në selinë demokrate.
“Ky mëngjes e gjen selinë e PD pa kryetarin e saj. Të vetmit që ndodhen janë përfaqësuesit e shtabit elektoral. Do jenë këta të fundit që do marrin informacion për sa i pëkret votimit. Është më qetë se sa mbrëmja e djeshme. Chris lacivita ende nuk ka mbërrritur në selinë e PD, por pritet të mbërrijë më vonë”, tha gazetarja.
Informohuni në zgjedhje.tvklan.al për të dhënat rreth pjesëmarrjes së votimit çdo orë, dhe krahasimeve me zgjedhjet e mëparshme parlamentare.
