Partitë e vogla të papërgatitura. Ngjela, Petro Koçi, Marko Dajti, Zef Bushati nuk u futën dot në zgjedhje

Ndërsa kanë ndjekur situatën, partitë e vogla nuk kanë llogaritur pasojat në kurrizn e tyre.

Kështu, vendimi i Lëvizjes Socialiste për Integrim për të mos dalë në një koalicion të përbashkët me Partinë Socialiste dhe djegia e afateve të regjistrimit të koalicioneve në KQZ, ka kapur të papërgatitura partitë e vogla. Arsyeja është për shkak se ato përfitonin gjithmonë nga koalicioni me PS-në dhe nuk iu duhej të mblidhnin 1% të firmave të të gjithë votuesve për të hyrë në zgjedhje. Por djegia e këtij afati bëri që disa parti me kryetarë, politikanë publikë, të mos futen dot në zgjedhje, në mungesë të firmave, shkruan Panorama.

Kështu nga koalicioni i PS-së i vitit 2013 bie në sy Petro Koçi, Spartak Ngjela, Marko Dajti e disa të tjerë nuk do të mund të votohen dot në 18 Qershor.

Nga 17 parti që janë regjistruar në zgjedhjet e 18 Qershorit, rezulton se vetëm 9 prej tyre kanë qenë në vitin 2013 me Partinë Socialiste në koalicion. Ndërsa të tjerat, janë forca të krijuara së fundmi, si Bojaxhi, Blushi dhe Bilal Kola, FRD që në 2013 ka dalë e pavarur apo Mega, Aleanca Demokratike dhe PDIU që në 2013 kanë qenë me PD-në.

Ja cilat janë Partitë e majta që nuk u regjistruan dot

Aleanca për Barazi dhe Drejtësi Europiane Valentino Mustaka

Partia Ambjentaliste Nasi Buzheku

Partia Ardhmëria Shqiptare Emin Subashi

Partia Bashkimi Republikan Shqiptar Zane Llazi

Partia Demokrate për Integrim e Prosperitet Halim Seitaj

Partia e Çështjeve Shqiptare Bujar Shurdhi

Partia e Gjelbër Edlir Petanaj

Partia e Punës e Shqipërisë Muharrem Xhafaj

Partia e Reformave Demokratike Shqiptare Skënder Halili

Partia G 99 Ervin Mete

Partia Komuniste e Shqipërisë 8 Nëntori Preng Cuni