Elektorati gri në zgjedhjet e 25 prillit, ishte tema e diskutimit në emisionin Open mbrëmjen e sotme në Top Channel.
Debate të forta pati në studio me disa prej analistëve që ishin skeptikë për efektivitetin e partive të reja.
Gjekmarkaj u shpreh se partitë e vogla janë kamikazët e qeverisë, por në fund ato do të vetëvriten.
“Partitë e vogla janë kamikaze të qeverisë, por në fund kam frikë se do të vetëvriten në fund.
Ti në CV ke rekorde se ke përgënjeshtruar orën e vjedhur, për gjatë vizitës së Bushit në Shqipëri,” tha Gjekmarkaj duke iu drejtuar Carlo Bollino-s.
Bollino: “Fake news është në partinë tuaj, kjo është shpifje zyrtare, unë jam thjesht një gazetar”.
Debate pati edhe mes këtij të fundit dhe gazetarit Enton Abilekaj.
Hila: Po Thurja pse nuk qenka e paguar nga PD nëse flasim kështu?
Abilekaj: Po se PD nuk i intereson. Pastaj Thurja ka vite që është. OSHEE ka marrë me qira shtëpinë e Topallit, çfarë tregon kjo pra.
Hila: Topalli s’ka nevojë, se ka mjaft.
Bollino: Po atëherë nëse është kështu një zyrë të PD në Vlorë, e ka marrë me qira nga një trafikant, ca domethënë kjo që ai i financon Bashën?
Abilekaj: Ore Karlo se më çmende, ajo zyrë nga OSHEE është marrë muajt e fundit me qira. Mos i krahaso gjërat me PD.
Bollino: Po kështu i bie që Rama bën korrupsion me kontrata, blen një parti politike sipas kësaj që thua ti.
