Kryetari i Komitetit Kombëtar Republikan u jep fund hamendjeve për mundësinë e një “puçi” në muajin e fundit të fushatës.
Në një takim urgjent me anëtarë të Komitetit Kombëtar Republikan, kryetari Reince Priebus ka deklaruar se partia mbetet e vendosur në krah të kandidatit Donald Trump, pavarësisht nga fjalët e turpshme për kapje fizike dhe gjueti grash të martuara.
“Gjatë 24 apo 48 orëve të fundit ka pasur shumë thashetheme të pathemelta me të cilat nuk kemi dashur të merremi”, u tha Priebus 168 anëtarëve të organit më të rëndësishëm administrues të partisë. “Mirëpo, asgjë nuk ka ndryshuar në mbështetjen tonë për kandidatin e emëruar”.
Ai tha se Trump kishte kërkuar falje me gjithë zemër dhe se çështja ishte mbyllur në debatin e mbrëmshëm.Kjo deklaratë nga Priebus bie ndesh me fjalët e kryetarit republikan të Dhomës së Përfaqësuesve, Paul Ryan, i cili pak orë më parë tha se nuk do ta mbronte më kandidatin Trump dhe nuk do të bënte fushatë me të.
Kjo mospërputhje mund të shënojë një nga krizat dhe përçarjet më të mëdha historike për partitë amerikane, po mund të jetë edhe një marrëveshje e nënkuptuar për të ndarë përpjekjet për të zgjedhur Donald Trump nga përpjekjet për të ruajtur shumicën republikane në Kongres, citohet Express. (b.an)
