Partia Saenuri në pushtet në Korenë e Jugut, e cila po përpiqet të ndryshojë faqen e skandalit për korrupsion që ka precipituar në largimin e presidentes, ka zgjedhur një emër të ri, “Koreja Liberale”, njoftuan sot zyrtarët.
Saenuri apo “Partia e Kufijve të Rinj” është fryt i një bashkimi në vitin 1997 mes disa partive të qendrës së djathtë. Ajo quhej deri në vitin 2012 Partia e Madhe Kombëtare (GPN).
“Ne kemi vendosur t’i japim një emër të ri, atë të Partisë Koreja Liberale, me premtimin e një rilindjeje”, deklaroi një zëdhënës i këtij formacioni.
Drejtuesit e partisë së djathtë do të mblidhen të hënën për të miratuar zyrtarisht këtë zgjedhje.
Ndryshimi i emrit është një taktikë e vazhdueshme e partive koreano-jugore që kërkojnë të kthejnë faqet ngjarjeve jo të mira./b.d
