Në lidhje shkarkimin ditën e sotme nga kryesia e PD-së, deputeti Flamur Noka është shprehur se nuk është përjashtuar, pasi sipas tij Lulzim Basha nuk ka fuqi të marrë një vendim të tillë.
Noka tha se PD është dhënë me qira nga Basha, ndërkohë ka shtuar se Komisioni i Rithemelimit është krijuar për të rikthyer partinë në shinat e saj.
Flamur Noka:
Nuk ka asnjë të përjashtuar. Një i shkarkuar që sot është në cilësinë e deputetit, nuk mund të marrë asnjë vendim. Shoqata e bravave, drynave, llozave apo e bunkerit, mund të mblidhet dhe të nxjerrë njoftime sa të dojë. Kush ka nevojë për të riparuar brava, dryna, dyer mund të drejtohet te shoqata dhe shoqata t’i gjejë punë.
PD ka një Kuvend dhe Kuvendi është ngritur më 11 dhjetor dhe ka marrë disa vendime. Ka ngritur një Komision të Rithemelimit të PD, për të rikthyer PD-së shinat e saj, sepse partia ishte dhënë me qira. Në këtë qiradhënie përfitonte vetëm pengu, ndërsa demokratët vetëm sakrifikonin dhe djersa e tyre shkonte dëm.
Këtu janë demokratët në një anë, pengu me shumë pengje të tij në anën tjetër.
/b.h
