Sekretarja e Partisë së Lirisë për Marrëdhëniet me Publikun, Silva Caka tha për Report Tv se ende nuk ka emra konkret lidhur me kandidatët për zgjedhjet vendore 2023 , ndërsa publikimi i tyre do t’i zbatohet afateve zyrtare.
Duke u ndalur te deklarata e Ilir Metës se shtatori do të jetë një ‘muaji i nxehtë’ saj përket aksionit opozitar, Caka u shpreh se njerëzit duhet të organizohen dhe të protestojnë, dhe sipas saj janë vënë në dijeni.
“Çfarë presin, ti vihet flaka, Shqipërisë dhe Tiranës? Aksioni opozitar e bën aksionin e vetë në mënyrën e vetë, në të gjitha format demokratike. Më habit fakti që njerëzit nuk marrin pjesë në protesta dhe presin një shator tjetër. Kishim një protestë për inceneratorët, vjedhja më e madhe. Ne e bëmë publike për të gjithë shqiptarët, sa më të qartë dhe të kuptueshme për të gjithë shqiptarët. Ndërmorëm dhe hapa ligjor dhe jo vetëm politik, çuar padi në SPAK, kemi vijuar me vënien në dijeni me fakte të reja, organizuam dhe një protestë, nuk e di njerëzit çfarë presin më nga një parti politike. Presim të kemi dhe një reagim nga Qeveria.”, u shpreh Caka.
Caka paralajmëroi se Partia e Lirisë ka një provë të fortë, ndërsa po pritet që ende t’i verifikojë më pas të bëhet publikimi i tyre.
“Provat janë prova, janë të pa kontestueshme , në çdo gjë që na vjen ne kemi një filtër që kontrollon autenticitetin tyre. Ka prova të forta, njëra prej tyre është realisht shumë e rëndë, është ende në verifikim. Në momentin që do të jenë të gjitha gati do të publikohen.” u shpreh Caka.
Ajo u ndal dhe te takimi i Ambasadores së SHBA-ve Yuri Kim me Ilir Metën, për të cilën tha se çështjet për të cilat u diskutua nuk e prekin partinë.
“Më vjen jo mirë kur diskutohen tonet mes një liderit politik dhe një ambasadoreje. Ky ishte takimi i parë që prej rikthimit të tij si nj lider i Partisë së Lirisë me ambasadës amerikane. Mbi të gjithë çështjet që u diskutuan nuk e prekin partinë. “, u shpreh ajo./m.j
