Partia e Frrokut në çadrën e PD? Vjen reagimi

Kreu i PDK Nard Ndoka deklaroi se të gjithç demokristianët janë bashkuar në çadrën e opozitës. Kjo u interpretua si largim nga mazhoranca drejt opozitës edhe i Partisë Kristian Demokrate nga e cila doli deputet Mark Frroku, i dorëhequr pasi iu nënstrua procesit penal. Por, pas këtyre deklaratave ka ardhur edhe reagimi nga PKD e drejtuar nga Dhimitër Muslia tashmë pas dorëhqjes së Drrokut. Ai deklaron se PKD është në koalicionin qeverisës, “me ata që duan të mirën e vendit”.

Deklarata e plotë:

Partia Kristian Demokrate distancohet plotësisht nga deklaratat e kryetarit të Partisë Demokristiane Nard Ndoka për bashkimin e demokristianëve sëbashku në cadrën e ashtuquajtur të lirisë.

Ne, Partia Kristian Demokrate i bëjmë me dije opininoit publik se kemi qenë, jemi dhe do të vazhdojmë të jemi përkrah qëverisë dhe koalicionit qëveritar të Aleancës për Shqiperinë Europianë.

PKD është e vendosur të rreshtohet përkrah atyre të cilët e duan Shqiperinë dhe punojnë të palodhur për cdo ditë, për një të ardhme më të mirë për vendin tonë në rrugën drejt integrimit në Bashkimin Europian.

Ne jemi parti politike që përfaqesojmë ndër të tjera spektrin kristian demokrat ku me shumë mundime arritëm të përfaqësohemi në parlamentin shqiptar me deputetin tonë. Kujtojmë se jemi partia e vetme e spektrit kristian demokrat e cila mori mandat deputeti nga vota popullore dhe jo nga manovrat politike duke u përfshirë në listat e partive të vjetra.

PKD njofton opinionin publik se demokristianet e vërtetë janë të bashkuar pranë forcës tonë politike pasi elektorati demokristian i ka kapacitetet e duhura për të bërë dallimin ndërmjet atyre të cilet e duan integrimin e vendit në BE dhe atyre që duan ta cojnë Shqiperinë në destabilitet ashtu si kanë bërë edhe më parë. Demokristianet e vertete e bëjne fare mire dallimin e atyre të cilët bëjnë të pamunduren të realizohet reforma në drejtësi dhe atyre të cilët janë të zhytur në krime dhe korrupsion ku të mberthyer në cadër po bëjnë të pamundurën per te frenuar vazhdimin e reformës në drejtësi e cila do ti zbardh faqen vendit tonë në dekadat që do të vijnë.

Demokristianet e vërtetë mbështesin ambasadorin amerikan, ambasodoren e BE-se dhe të gjithë faktorin ndërkombetar që njëzëri janë distancuar nga veprimet e papërgjegjshme të opozitës së sotme.

Demokristianet e vërtetë janë në krah të kancelares Angela Merkel dhe ministrit të jashtëm gjerman Sigmar Gabriel të cilët si përfaqesuesit më të mëdhenj të kristian demokratëve ne Europë e treguan se e duan Shqiperinë më shumë se Lulzim Basha dhe opozita e tij e cadrës.

E theksojmë se demokristianet shqiptar janë të bashkuar pranë Partisë Kristian Demokrate e cila sëbashku me koalicionin Aleanca për Shqipërinë Europiane të kryesuar nga Partia Socialiste e Shqipërisë do të vazhdojnë me vendosmeri për përfundimin e reformave të nisura, për integrimin dhe anëtaresimin e vendit në BE si dhe për ndertimin e një Shqipërie që duam duke bërë te mundur një të ardhme më të mirë për ne dhe për femijët tanë.