Partia Demokratike dorëzoi sot një kallëzim penal në Prokurorinë e Krimeve të Renda për disa zyrtarë në Dibër të cilët i akuzon se po blejnë vota për kandidatin e majtë.
Në kallëzim PD ka renditur disa emra zyrtarësh të cilët i quan “grup i strukturuar kriminal” që kanosin qytetarët.
Sipas PD-së “ky grup kriminal i përbërë nga drejtues të administratës publike, të tatimeve, shefi i policisë e deri tek mjeku i KEMP-it, janë vënë në shërbim të skemës kriminale për blerjes e zgjedhjeve në Dibër”, thuhet në njoftim. Në kallëzimin penal, Partia Demokratike i kërkon Prokurorisë të nisë mendjeherë hetimet për të vënë përpara përgjegjësisë këta persona./a.m.
