Parlamenti skocez do të shënojë zyrtarisht sot kundërshtimin e tij për daljen e Britanisë së Madhe nga Bashkimi Evropian duke votuar simbolikisht kundër projektligjit qeveritar që parashikon të autorizojë Theresa Mayn të fillojë negociatat e ”divorcit”.
“Është një prej votimeve më domethënëse në historinë e Parlamentit skocez që prej atributit të dhënë për parlamentet rajonale”, deklaroi kryeministrja skoceze, Nicola Sturgeon.
“Ky votim është më shumë se simbolik. Është një test kyç për të mësuar nëse zëri i Skocisë është dëgjuar dhe nëse dëshirat tona merret parasysh brenda procesit britanik për daljen nga BE”, shtoi ajo.
Partia Laburiste skoceze, me 24 përfaqësues në parlamentin rajonal, ka shprehur kundërshtimin e saj për projektligjin qeveritar duke siguruar vota të mjaftueshme për SNP-në, që ka 63 përfaqësues nga 129, për të siguruar që votimi do të miratohet sot në Holyrood, selia e Parlamentit skocez./b.d
