Teksa në parlament pritet të nisë seanca plenare, jashtë sallës janë grumbulluar qindra protestues që kërkojnë mbrojtjen e godinës aktuale të Teatrit Kombëtar.
Veç artistëve, të pranishëm janë edhe qytetarë e anëtarë të shoqërisë civile. Kjo protestë ka edhe mbështetjen e opozitës.
Tubimi ka nisur me këndimin e himnit kombëtar. Ndërkohë janë hedhur edhe disa tymuese jashtë sallës së parlamentit.
Protestuesit mbajnë në duar pankarta “mbroteatrin”. Ndërkohë, rruga para parlamentit është bllokuar nga protestuesit.
“Jemi këtu për të mbrojtur historinë tonë, një popull pas histori nuk ka mbrojtje nga arti. Jemi këtu që të ngrihemi mbi mashtrimet e qeveritarëve tanë. Jemi këtu për t’i dhënë në kuptim jetës së çdo shqiptari”, tha Bujar Asqeriu.
Alert Çeloaliaj: Nuk është beteja e fundit, ne do të vazhdojmë qëndresën tonë, deri në fund me çdo mjet ligjor. Nëse ky ligj kalon, do të protestojmë më shumë para teatrit, asgjë nuk është e mbyllur asgjë nuk është e prerë. Unë them se do të mbizotërojë qytetaria në atë sallë sot mbi politikën dhe paratë./a.m.
