E përditësuar/ Ka qenë vetë Kryeministri i Kosovës Isa Mustafa i cili ka pranuar se demarkacioni nuk do të votohet këtë të enjte, duke bërë kështu zyrtar vendimin e maxhorancës për ta shtyrë miratimin e marrëveshjes me Malin e Zi.
“Si kryeministër konsideroj se sot nuk janë rrethanat dhe nuk është situatë ku duhet të votojmë ligjin për ratifikimin me arrëveshjes me Malin e Zi. Qeveria e tërheq sot këtë projektligj nga procedura kuvendore. Me bashkëbisedim do të provojmë të gjejmë një marrëveshje në lidhje me ligjin. Nuk është mënyra e duhur që të procedojmë me këtë ligj kur kemi presione mbi deputetët. Tërheqja e këtij ligji nuk do të thotë se do të ndryshojmë marrëveshjen mirëpo do ta procedojmë në Kuvend kur qeveria e vlerëson se është gati”, ka thënë Mustafa
……….
Kuvendi i Kosovës ka vendosur që të tërheq ratifikimin e demarkacionit me Malin e Zi nga rendi i ditës.
Ky vendim është marrë pasi që prezentë në sallë nuk do të jetë Lista Serbe dhe rrjedhimisht kalimi i kësaj marrëveshje është i pamundshëm.
Sipas burimeve të zeri.info kjo ka bërë që Kuvendi ta tërheq këtë pikë të rendit të ditës dhe ta shtyjë për një ditë tjetër. Deri më tani nuk dihet se kur kjo pikë do të dal përsëri në votim.
Ndërkohë seanca do të vazhdoj me pikat e tjera të rendit të ditës/Zeri.
