Parlamenti i Holandës ka votuar pro propozimit për kthimin e vizave me Shqipërinë për shkak të kriminalitetit të shtuar. 5 parti politike në Holandë kërkuan në emër të grupit votimin për rikthimin e vizave për Shqipërinë. Partitë VVD, CDA, PVV, SP, CU kanë bërë bashkë 92 deputetë, nga 150, duke votuar kështu me shumicë votash kërkesën për kthimin e vizave për Shqipërinë.
Por vendosjen e vizave nga vendet Schengen nuk e vendos Parlamenti i Holandës, por Bashkimi Europian, që do të thotë edhe fjalën e fundit. 5 partitë në Holandë kërkojnë pezullimin e përkohshëm të heqjes se vizave për shkak të kriminalitetit të shtuar.
Vlen të theksohet se Partia VVD, CDA dhe CU janë 3 nga 4 partitë të qeverisjes. Ministri i Jashtëm Holandez vjen nga Partia VVD, ndërsa Ministri Grapperhaus, i cili ishte në Shqipëri, vjen nga Partia CDA.
Qeveria Holandeze ka qenë jo në favor të rikthimit të vizave; në këtë moment, për shqiptaret. Këtë qëndrim e kanë shprehur dhe në Tiranë. Ata kanë kërkuar një bashkëpunim më të mirë dhe një shkëmbim më të mirë informacioni./tch
/a.meta
