Parlamenti Evropian votoi në Bruksel për të hequr imunitetin e lideres së të djathtës ekstreme franceze, Marine Le Pen. Eurodeputetët kanë votuar me shumicë dërrmuese për heqjen e ndalesës për prokurorinë që të përndjekë Le Pen për shkak të disa postimeve të saj në twitter me skena të frikshme të dhunës të kryera nga ekstremistët e Shtetit Islamik, raporton agjensia AP.
Ajo vendosi fotot në përgjigje të gazetarit që e kishte krahasuar partinë e saj anti-imigracion, Fronti Nacional, me me ekstremistët e Shtetit Islamik. Le Pen, e cila sipas sondazheve është aktualisht favorite në mesin e kandidatëve për president të Francës, ka dëshiruar që të tregojë dallimin në mes të këtyre dy organizatave, por në vend të kësaj shkaktoi reagime të gjera. Ministri i brendshëm francez e ka akuzuar atë për nxitje të propagandës së Shtetit Islamik. Përveç që e udhëheqë të djathtën ekstreme franceze, presidentja e Frontit Kombëtar është anëtare e Parlamentit Europian.
MA.ME
