Në mbyllje të mandatit si kryebashkiak i Vlorës, Shpëtim Gjika, dha me koncesion parkingjet e qytetit bregdetar për jo më pak se 15 vjet. Vendimi solli shumë reagime dhe nuk u prit mirë nga qytetarët, kundërshti që vazhdojnë ende pas kaosit të krijuar. Shoqata “Lëvizja për Vlorën” e cilëson se një cenim të rëndë situatën e rendit publik nga veprimet e Kompanisë “TIS Park” me anë të bllokimit të mjeteve të qytetarëve.
“Lëvizja për Vlorën” ka bërë një kallëzim penal për ish-kryebashkiakun Shpetim Gjika dhe Këshillin Bashkiak të mandatit të shkuar si dhe për kompaninë “TIS Park”.
Kallëzimit nuk i kanë shpetuar as Kryebashkiaku Dritan Leli me Këshillin Bashkiak aktual si dhe prefektja Etiona Hoxha, për mos reagim në interes të publikut vlonjat.
Kallëzimi është bërë me pretendimin se koncensioni i parkimeve me pagesë ka shkelje të shumta ligjore, që të çojnë në përfundimin se, ka elementë të veprave penale të shpërdorimit të detyrës, vjedhje dhe dëm financiar e moral
“Lëvizja për Vlorën” i kërkon prokurorisë të nisë hetimet në lidhje me atë që e quan aferë mafioze e koncesionit të parkingjeve.
“Vlora nuk mund të humbase sovranitetin mbi hapesirat e saj publike te nje kompanie të dyshimte me pronarë të panjohur”, thuhet në kallëzimin e “Lëvizjes për Vlorën”
Tarifimi
Procedura e dhënies me koncesion të partneritetit publik privat të shërbimit të parkimit në rrugë, parashikon këtë praktikë për 24 rrugë kryesore e dytësore me një tarifë prej 50 lek/ora.
Përkundër kësaj, Bashkia përfiton një vlerë financiare vjetore prej 10 milionë lekë në dy vitet e para dhe nga viti i tretë e në vazhdim 10 milionë, plus 2 për qind të xhiros vjetore.
Orari kur qytetarët do të tarifohen, për 13 rrugët është nga 08:00-16:00. Ndërsa, për 9 rrugë të tjera, ato më afër qendrës dhe bulevardit kryesor, në periudhën nga ora 08:00-20:00. Po ashtu, parashikohet që, në dy rrugë, tarifimi reduktohet deri në orën 14:00.
Orët e natës, nuk përfshihen brenda tarifimit me argumentin se këto hapësira mund t’i përdorin banorët rezidentë falas. Gjatë muajve të fundit, kompania koncesionare ka kryer disa investime në përmirësimin e infrastrukturës rrugore dhe plotësimin me sinjalistikën përkatëse.
Ja kallëzimi i plotë i “Lëvizjës për Vlorën”
“Të nderuar bashkëqytetarë.
Duke pritur reagimin zyrtar nga Bashkia e qytetit dhe nga prefektura, në lidhje me gjendjen e paligjshmërisë dhe cënimin e rëndë të rendit publik nga veprimet e kompanisë “TIS Park” me anë të bllokimit të mjeteve të qytetarëve, Ne, Levizja për Vlorën, dorëzojme sot një kallëzim penal për të gjitha palet e përfshira në këtë aferë korruptive:
-Kryebashkiakun Shpetim Gjika dhe Këshillin Bashkiak të mandatit të shkuar.
-Kryebashkiakun Dritan Leli dhe Keshillin Bashkiak aktual për mosreagim në interes të publikut vlonjat nga të cilët janë votuar.
-Prefektes Etiona Hoxha
-Kompanisë TIS Park.
Ne si qytetarë jemi të ngopur nga thashethemnajat e kafeneve të ish këshilltarëve, ish kryebashkiakëve apo ish ishave në lidhje me aferën mafioze të koncesionit të parkingjeve.
shqiptarja.com/d.i.
