Ndeshja mes Francës dhe Islandës është paraprirë nga një shpërthim i kontrolluar i policisë franceze jashtë stadiumit, dy orë përpara startit të ndeshjes në Saint Denis.
Por nuk bëhej fjalë për një kërcënim nga një sulm terrorist, por për një urdhër që u zbatua nga policia për një makinë, e cila ishte parkuar gabimisht në një vend ku nuk lejohej për shkak të sigurisë.
Makina që ishte lënë pranë stadiumit të kryeqytetit francez, kishte shkaktuar dyshime dhe forcat e rendit morën vendimin më të sigurt në ato momente, duke kryer një shpërthim të kontrolluar, edhe pse brenda saj nuk u gjet asnjë eksploziv.
