Franca dhe Britania e Madhe i kanë bërë thirrje sot, në një deklaratë të përbashkët, aleatëve të Damaskut që t’i japin fund rrethimit të Alepos, duke theksuar se vetëm Rusia mund të bindë regjimin e Bashar al Asadit t’i japë fundë luftës.
“Rrethimi i këtij qyteti, ku rreth 300 000 banorë janë të bllokuar, e bën të pamundur një rrifillim të negociatave për paqe”, kritikon shefi i diplomacisë franceze, Jean Marc Ayrault dhe homologu i tij britanik, Boris Johnson në një deklaratë të përbashkët, të publikuar në përfundim të takimit të tyre të parë në Paris.
Pasojat e rrethimit të Alepos që tani janë katastrofike, dhe rrezikojnë të shkaktojnë një eksod të ri refugjatësh”, theksuan ata, duke i bërë thirrje aleatëve të regjimit sirian të ndërpresin menjëherë këto operacione.
