Milionerja e famshme, Paris Hilton, tashmë një kohë është beqare, ndërsa tani ka vendosur që më të mos lidhet me meshkuj të cilët janë të famshëm. Ajo e ka pranuar se kurrë në jetë nuk ka qenë pa të dashur, por tani kërkon një të dashur më ndryshe.
“Tani po kënaqem me lirinë dhe pavarësinë time. Kam qenë në romanca me yje të famshëm, por kjo më nuk është preferenca ime, sepse nuk mund t’iu besoj më. Dua të jem me një mashkull normal, me dikë i cili ka zemër të madhe, i cili është besnik dhe i mençur dhe i cili mund të më bëjë të qesh”, ka thënë Paris, transmeton “Zëri.info”. Ajo ka shtuar se një ditë dëshiron të krijojë familje, por mendon se ende nuk është koha që të martohet, pasi të shumtën e kohës është në udhëtim. “
Nuk është koha tani që të martohem, pasi martesa kërkon përkushtim, ndërsa unë vazhdimisht jam në udhëtim. Dua që një ditë të kem fëmijë, pasi të qenit nënë ka qenë diçka që kam dashur gjithmonë. Dhe besoj se do të vijë kjo ditë në të ardhmen”, ka theksuar Paris.
Kohëve të fundit, Parisit i ka ecur mjaft mirë si DJ, pasi shumë klube të natës kanë kërkuar shërbimet e saj, për shkak të interesimit të madh që nxitë ajo.
