Aventura e mundësit shqiptar Zelimkhan Abakarov në Lojërat Olimpike “Paris 2024” ka nisur me këmbën e mbarë. Në sfidën e parë të peshës 57kg, ai mposhti me pikë 7-6 Diamantino Iuna Fafe, rivalin nga Guinea Bissau.
Një fitore e vështirë për mundësin kuqezi, që për një moment ishte në disavantazh 6-1. Por në periodën e dytë ai bëri një paraqitje më të mirë, duke përmbysur shifrat dhe fituar sfidën me një pikë avantazh, falë një kapjeje dhe rrotullimi.
Me këtë fitore, mundësi kuqezi avancon mes 8 më të mirëve të peshës 57kg në Olimpiadë. Në raundin tjetër, Abakarov do të përballet me indianin Aman Aman, në një tjetër sfidë të vështirë për mundësin kuqezi.
/a.r
