Në terr pritet të mbetet vendi pas muajit maj. Koha e nxehtë, kur shpenzohet më pak rrymë, nuk do të jetë e mjaftueshme për të pasur energji elektrike.
Korporata Energjetike e Kosovës është duke i shpenzuar rezervat e fundit të qymyrit, lënda kryesore për prodhimin e rrymës, shkruan Koha Ditore.
Rotorët (mjetet e rënda që bëjnë nxjerrjen e qymyrit) e kësaj kompanie ka kohë nuk punojnë në djerrinat – Divizioni i prodhimit të qymyrit.
Shkak për këtë është vonesa e zhvendosjes së lagjeve të fshatit Hade dhe Shipitullë të Komunës së Obiliqit. Kryetari i Sindikatës së Re të KEK-ut (SR-KEK), Rafet Osmani, i cili punon në minierën e Mirashit, thotë se punë nuk do të kryejnë edhe sikur të ketë mjete të mjaftueshme për të importuar rrymë, pasi, sipas tij, në rajon nuk ka aq rrymë sa i duhet Kosovës.
Osmani po ashtu thotë se vendi nuk ka as infrastrukturë të rrjetit energjetik për të importuar sasinë e nevojshme. Kryetari i SR-KEK këtë shqetësim e ka ngritur disa herë duke organizuar edhe protestë, por që deri tash nuk është ndërmarrë asgjë. (b.an)
