Me mot kryesisht të kthjellët paraqiten zonat bregdetare dhe të ulëta të vendit ndërsa vranësira kalimtare do të ketë në zonat malore. Në mesditë i gjithë vendi do të jetë nën dominimin e motit të kthjellët.
Pasditja dhe orët e natës do të vijojnë në kushtet e kthjellimeve dhe vranësirave të lehta e kalimtare në pjesën më të madhe të vendit, më të dukshme vranësirat do të jenë në zonat verilindore.
Sipas MeteoAlb, temperaturat e ajrit do të pësojnë një tjetër rënie në rang vendi, duke bërë që vlerat ekstremale të luhaten nga -11 min deri 13 gradë Celcius vlera maksimale. Era do të fryjë mesatare në tokë dhe det, duke arritur shpejtësi deri 30 km/h nga drejtimi permanent verilindor, për pasojë në det do të gjenerohet dallgëzim 2 ballë.
Europa
Ndikimi i masave ajrore të qëndrueshme, me origjinë kontinentale do të diktojnë kushte të motit të kthjellët në pjesën më të madhe e Europës, pellgun e Mesdheut dhe gadishullin Ballkanik.
Por krejt ndryshe paraqitet situata meteorologjike në gadishullin Iberik ku do të ketë rrebeshe shiu gjatë gjithë ditës. Po ashtu, me vranësira të dendura dhe shira të herë pas-hershme paraqiten kushtet e motit në brigjet e detit te zi./noa/a.k
