Edhe gjatë ditës së mërkurë, vendi ynë do të mbetet në ndikimin e motit të qëndrueshëm duke bërë që kthjellimet të jenë prezent pothuajse në të gjithë vendin. Orët e mesditës do të sjellin vranësira mesatare në vend, më të dendura në verilindje dhe juglindje duke gjeneruar rrebeshe shiu.
Parashikohet që edhe pasditja të vijojë me kthjellime dhe vranësira të shpeshta ku më të dukshme do të jenë në zonat veriore dhe qendrore të vendit. Parashikohet që gjatë natës vranësirat të shtohen duke rrezikuar sërish shira.
Sipas MeteoAlb, përsa i përket situatës termike, temperaturat e ajrit do të pësojnë rënie të lehtë në vlerat minimale të ditës. Era do të fryjë mesatarisht me shpejtësinë 28 km/h nga drejtimi veriperëndimor, kjo do të bëjë që në brigjet detare të gjenerohet dallgëzim deri në 2 ballë, shkruan noa.
Europa
Qarkullimi i masave ajrore të freskëta dhe të lagështa me origjinë oqeanike do të bëjë që rajoni i Balltikut dhe Europa Lindore të jenë në ndikimin e vranësirave dhe shirave të dendur, herë pas here rrebeshe të shoqëruar me stuhi të forta ere dhe rrufe. Gjithashtu, zhvillimi i vranësirave konvektive do të bëjë që dhe brigjet e detit të zi të përjetojnë stuhi të fuqishme ere dhe shira intensive./a.k
