Territori shqiptar do të mbetet në kushtet e motit të kthjellët deri në orët e mesditës kur pritet zhvillim i vranësirave në zonat malore.
Pjesa e dytë e ditës do të vijojë me kthjellime e vranësira, më të dukshme në zonat Jugore dhe Veriore ndërsa Qendra mbetet me mot kryesisht të kthjellët.
Sipas MeteoAlb, temperaturat do të pësojnë një tjetër rënie në vlerat e mëngjesit por një rritje të lehtë do të sjellë mesdita. Era do të fryjë mesatare me shpejtësi deri 35 km/h nga drejtimi veriperëndimor duke bërë që në det të gjenerohet dallgëzim 2 ballë.
Europa
Europa Perëndimore dhe gadishulli Iberik do të përfshihen nga vranësira e reshje të konsiderueshme shiu e dëbore. Po ashtu, Europa Verilindore paraqitet me reshje të pakta dëbore dhe temperatura ekstremisht të ulëta.
Ndërsa, pjesa më e madhe e kontinentit duke përfshirë Qendrën, Juglindjen dhe Europën Veriore paraqiten me mot të kthjellët dhe temperatura të ulëta./noa/a.k
