Pjesa e parë e ditës do të jetë nën ndikimin e kthjellimeve dhe vranësirave të herë pas hershme, më të dukshme në zonat malore veriore e qendrore duke rrezikuar shira afat-shkurtër. Pjesa e dytë e ditës do të vijojë me alternim të kthjellimeve dhe vranësirave në të gjithë ultësirën perëndimore duke lënë zonat veriore dhe verilindore nën ndikimin e vranësirave dhe shirave të përkohshëm. Situata e motit pritet të përmirësohet në orët e vona të natës.
Sipas MeteoAlb, temperaturat e ajrit nuk do të pësojnë ndryshime duke ruajtur pothuajse të njëjtat vlera të tyre konstante. Era do të fryjë e lehte dhe mesatare me shpejtësi 35 km/h nga drejtimi veriperëndimor, kjo do të bëjë që në brigjet e Adriatikut dhe Jonit të gjenerohet dallgëzim deri në 2 ballë.
Europa
Kontinenti i Europës do të jetë nën ndikimin e masave ajrore të qëndrueshme duke bërë që moti i kthjellët të jetë dominant në pjesën më të madhe të tij. Konkretisht, me diell do të paraqiten vendet perëndimore, ishujt britanike, gadishulli i Ballkanit si edhe pjesa më e madhe Mesdheut, shkruan noa. Përjashtim bëjnë vetëm rajoni i Balltikut, vendet Nordike si edhe e gjithë Europa lindore të cilat do të dominohen nga vranësira të dendura dhe shira me intensitet të lartë./a.k
