Kthjellimet do të karakterizojnë kushtet e motit në të gjithë vendin deri në orët e mesditës kur priten kalime vranësirash nëpër të gjithë vendin, më të dukshme vranësirat paraqiten në zonat juglindore.
Parashikohet që edhe pasditja të vijojë me kushte të qëndrueshme atmosferike duke bërë që kthjellimet të jenë dominante në pjesën më të madhe të territorit me përjashtim të zonave malore juglindore të cilat do të dominohen nga vranësira dhe shira të dobët.
Sipas MeteoAlb, temperaturat e ajrit do të mbeten të pandryshueshme si në orët e mëngjesit edhe në orët e mesditës. Era do të fryjë e lehtë dhe mesatare si në tokë dhe në det me shpejtësi 25 km/h nga drejtimi veriperëndimor, kjo do të bëjë që në brigjet e detit Adriatik dhe Jon të gjenerohet dallgëzim deri në 1 ballë, ndërsa në det të hapur deri në 3 ballë.
Europa
Rajoni i balltikut si edhe Europa verirore do të jenë nën dominimin e vranësirave dhe shirave, ku më problematike situata do të paraqitet për vendet balltike ku shirat do të jenë me intensitet të lartë. Gjithashtu me vranësira dhe shira do te mbetet situata e motit për vendet Lindore. Ndërsa me mot të qëndrueshëm do të paraqiten vendet mesdhetare, vendet perëndimore si edhe gadishulli i Ballkanit duke bërë që kthjellimet të jenë dominuese./noa.al/a.k
