Defiçiti i përgjithshëm fiskal i targetuar në buxhetin e vitit 2017 është 2 % e Prodhimit të Brendshëm Bruto dhe sipas ministrisë së Financave është niveli më i ulët historik përgjatë më shumë se dy dekadave të fundit.
Në relacionin shoqërues të p/buxhetit thuhet se për të dytin vit rradhazi balanca primare parashikohet të jetë pozitive në nivelin 0.7% duke shënuar nivelin më të lartë në 25 vite.
Rrjedhimisht, niveli i borxhit publik të targetuar, do të ulet me rreth 2.7 pikë përqindje dhe do të vijojë këtë trend rënës në periudhën afatmesme dhe afatgjatë shkruan ATA. Financimi i defiçitit do të realizohet nëpërmjet huamarrjes së brendshme, në rreth 1.2 % të PBB dhe asaj të huaj në rreth 0.8 % të PBB, e cila do të bazohet kryesisht tek huatë me terma të favorshme në kuadër të mbështetjes së politikave zhvillimore të ndërmarra nga qeveria./a.m.
