Ish kapiteni i Anglisë, David Beckham, ka dhënë parashikimin e tij për ekipet që mund të shkojnë në finalen e madhe të 15 korrikut në Kampionatin Botëror.
Në një prononcim në një event promovues të ligës më të madhe të futbollit kinez, Beckham theksoi se Anglia dhe Argjentina mund të përballen në finale.
“Unë besoj se Argjentina do të luajë kundër Anglisë në finale të këtij Botërori. Njëra zgjedhje e imja për finalen është Anglia, por ndoshta jam i njëanshëm dhe i pasionuar për vendin tim”,deklaroi ish ylli i Manchester United dhe Real Madridit.
43-vjeçari shtoi se ndihet i lumtur për suksesin e parë që “Tre Luanët” arritën në sfidën e parë ndaj Tunizisë, ç’ka do t’i jap më shumë motivim ekipet për ndeshjet e rradhës.
“Jam shumë i lumtur që e kemi fituar ndeshjen e parë në grup. Anglia është një ekip shumë i ri, me lojtarë që nuk kanë shumë eksperiencë në të tilla kompeticione, ndaj udhëtimi i Kupës së Botës do të bëhet më i vështirë, sepse ka shumë pretendentë të mirë në turne”, përfundoi Beckham. /b.d
