Parandalohet një vrasje në kryeqytet, ndërsa një 50-vjeçar është kapur me armë zjarri. Burime nga Policia e Tiranës bënë me dije se Bajram Islami, banues në kryeqytet, kërcënonte se do e vriste me armë zjarri një person. Ka qenë ky i fundit ai që ka njoftuar forcat e policisë. Pasi është njoftuar për ngjarjen, forcat e Komisariatit të Policisë Nr 3 dhe Shqiponjat bënë të mundur neutralizimin dhe arrestimin e personit si dhe sekuestruan në cilësinë e provës materiale arma.
NJOFTIMI
Më datë 18.10.2016, Shërbimet e Komisariatit të Policisë Nr 3 dhe Skuadra Shqiponjat, falë ndërhyrjes në kohë parandaluan një ngjarje të rëndë kriminale, ku u arrestua në flagrancë shtetasi:
Bajram Islami, 50 vjeç, banues në Tiranë.
Pas një telefonate të ardhur në Sallën Operative të Drejtorisë Vendore të Policisë Tiranë, tek numri 112, ku shtetasi M. P., njoftoi se shtetasi Bajram Islami, po e kërcënonte se do e vriste me armë zjarri, menjëherë janë dërguar shërbimet e Komisariatit të Policisë Nr 3 dhe Shqiponjat, të cilët bënë të mundur neutralizimin dhe arrestimin e personit si dhe sekuestruan në cilësinë e provës materiale:
– Një armë zjarri tip pistoletë model 54, me një krëhër.
Materialet proceduriale i’u kaluan Prokurorisë pranë Gjykatës së shkallës së Parë Tiranë, për veprat penale “Kanosja”, “Prishja e qetësis publike” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 84, 274 dhe 278 të Kodit Penal.
ma.me
