Forcat saudite të sigurisë parandaluan të premtën një atentat terrorist kundër Xhamisë së Madhe në Mekë, ku ishin mbledhur qindra mijëra besimtarë, njoftoi Ministria e Brendshme në një komunikatë.
Njëmbëdhjetë persona nga të cilët pesë policë u plagosën nga shembja e një banese trikatëshe, ku ishte mbyllur një kamikaz që hodhi veten në erë me eksploziv, nënvizoi një zëdhënës i Ministrisë së Brendshme.
“Kamikazi bënte pjesë në një grup terrorist që strehohej në dy lagje të Mekës dhe në Xhedah, kryeqyteti ekonomik i Mbretërisë së Arabisë Saudite. Pesë anëtarë të këtij grupi bashkë me të cilët edhe një grua u arrestaun”, saktësoi komunikata.
“Atentati që dështoi kishte në shenjestër Xhaminë e Madhe dhe rrezikonte një numër të madh besimtarësh të mbledhur për të premten e fundit të muajit të shenjtë të Ramazani”, shtoi zedhënësi.
Sipas tij, kamikazi i ngarkuar për kryerjen e këtij sulmi hodhi veten në erë pasi nuk pranoi t’i dorëzohej forcave të sigurisë që rrethuan ndërtesën trikatëshe.
Gjashtë shtetas të huaj dhe pesë policë u plagosën gjatë këtij operacioni, tha zëdhënësi.
