Një krim brenda familjes është ndaluar nga Policia e Tiranës. Mësohet se blutë e kryeqytetit kanë arrestuar dy persona, duke bërë të mundur parandalimin e vrasjes brenda familjes.
Në pranga të uniformave blu të kryeqytetit kanë rënë 76-vjeçari Lutfi Drazhi i cili kërcënonte se do vriste djalin e tij dhe Uzri Shira, tek i cili kishte blerë armën me të cilën do kryente krimin.
Këta shtetas u arrestuan nga forcat e komisariatit numër 5 në kryeqytet.
Policia i sekuestroi Drazhit 1 pushkë, 1 automatik dhe sasi fishekësh, ndërsa po punon për zbardhjen e plotë të ngjarjes.
