Ministri i Mbrojtjes Niko Peleshi ka bërë me dije se zjarri në zonën e LUMIT TË Vlorës ëhstë neutralizuar. Përmes një statusi me foto nga aksioni i zjarrfikëses në këtë zonë, Peleshi shkruan se është parandaluar katastrofa në lumin e Vlorës.
Në Karaburun ka rifilluar edhe ndërhyrja nga ajri, ndërsa ndërhyrje po bëhen edhe në Vithkuq (Korçë) në Mallakastër, në Tarabosh, (Shkodër) Qerem,(Tropojë), Kalise (Kukës), Mavropull, (Delvinë) e zona të tjera të Shqipërisë ku ka vatra aktive.
“Lajm i mirë – Parandalohet katastrofa në zonën e lumit të Vlorës, ndërhyrja masive e trupave nga toka dhe ajri ka neutralizuar rezikun e jetës dhe banesave atje.
Në mbështetje të operacionit nga toka, në Karaburun ka rifilluar edhe ndërhyrja nga ajri, ndonëse në kushte të vështira klimatike për fluturim.
Ndërhyrje gjithashtu janë bërë edhe ne Vithkuq (Korçë) në Mallakastër, në Tarabosh, (Shkodër) Qerem,(Tropojë), Kalise (Kukës), Mavropull, (Delvinë) etj.”, shkruan Peleshi ne rrjetin social./m.j
