Për të parandaluar përmbytjet nga reshjet e shumta lokale si dhe ato të stinës, qeveria shqiptare ka akorduar 45 mln lekë për ndërtimin e argjinaturës në lagjen Shelg në qytetin e Cërrikut.
Ndërtimi i kësaj argjinature në këtë zonë është mjaft e rëndësishme pasi eviton si përmbytjen e tokave përreth por edhe mbroj edhe pompat që furnizojnë qytetin me ujë të pijshëm.
Lajmi u konfirmua për Agjencinë Telegrafike Shqiptare nga prefekti i Elbasanit, Maksim Malaj, i cili theksoi se punimet për nderimin e kësaj vepre po ecin në rrugën e duhur dhe pritet që ta përfundojnë brenda 90 ditëve kalendarike.
“Ky është një investim i qeverisë nga bordi i kullimit që ka drejtoritë në Korçë dhe Elbasan.
Për ndërtimin e kësaj vepre është zhvilluar tenderi dhe janë akorduar 45 000 lekë së bashku me TVSH-në dhe është për të mbrojtur pompat e ujit të pijshëm si dhe zonën nga përmbytja.
Për ndërtimin e kësaj vepre prej 820 metrave ka rreth një javë që ka filluar puna dhe në kontratë e kemi për ta përfunduar për 90 ditë, por ne shpresojmë që ta përfundojmë edhe më herët”, theksoi prefekti Malaj. /b.d
