Media botërore po heqin një paralele mes vrasjes së ambasadorit rus në Ankara me atë të Dukës Ferdinand në Sarajevë më 28 qershor 1914, që ishte dhe shkak për shpërthimin e Luftës së Parë Botërore.
Vrasja e Dukës ndodhi në Bosnjë, një vend strategjik për fuqitë antagoniste botërore; ndërsa vrasja e ambasadorit rus për Sirinë, një vend ku përplasen fuqishëm interesat e fuqive të mëdha.
Ka shumë ngjashmëri midis rrethanave dhe aktorëve politikë të këtyre fuqive.
Në kohën e Luftës së Parë Botërore, terreni ishte Sarajeva, e cila mbrohej nga Rusia që synonte të ruante feudet e saj në Ballkan. Nga ana tjetër Austro-Hungaria e konsideronte të vetat ish-tokat veriore të Ballkanit, që kishin qenë pjesë e Perandorisë Osmane.
Në të dyja kohët janë dy aktorë: Turqia dhe Rusia, të dyja vende të rëndësishme të skenës botërore.
E ndërsa në atë kohë pra ishte Bosnja, toka e sherrit mes Fuqive të Mëdha, sot është Siria, zona e artë gjeopolitike ku kryqëzohen rrugët e komunikimit të gazit dhe naftës, dhe që lidh Mesdheun me Lindjen e Mesme dhe Azinë.
Një vërshim komentesh fataliste mbi shpërthimin e mundshëm të një lufte, të konsideruar si e Treta, po ka dhe në rrjete sociale, shkruan Tesheshi. Por, edhe pse ka ngjashmëri me rastin e Dukës Ferdinand, janë gjithsesi ca kontekste të tjera që bëjnë diferencën.
Pavarësisht Sirisë, si Rusia e si Turqia nuk janë gjithsesi në ndonjë antagonizëm.
Përkundrazi, si Moska e si Ankaraja e tejkaluan krizën mes tyre për shkak të një incidenti ajror, dhe duket se marrëdhëniet e tyre janë forcuar.
Për më tepër që vetë Putin deklaroi se Turqia nuk ka gisht në atentatin ndaj ambasadorit rus.
Madje, sipas tij, ky atentat synon që të prishë aleancën dhe miqësinë turko-ruse.
tema/di
