Pas lajmit se Eduart Ndocaj nuk do të jetë pjesë e listave të PD-së, ka reaguar vetë deputeti. Në një prononcim për “GSH”, ai shprehet se është larguar nga Partia Demokratike, pasi kjo parti kishte shumë komunista. Si një ish-i përndjekur që u rikthye në partinë e djathtë, Ndocaj shprehej se s’kishte vend për të.
“Basha nuk zgjodhi deputetin e popullit, por vendosi të mbështesë dhe të fusë në lista disa të “tjerë” kryetarë të partive aleate, që i kanë partitë SHPK e s’kanë elektorate.
Në cilësinë e kryetarit të Partisë Bashkimi Demokristian, si një ish-i përndjekur vendosa të rikthehem në PD dhe të mbështes z. Basha dhe PD-në, jo për të marr pushtet, por për kauza të drejta si zgjedhje të lira dhe dekriminalizimin e plotë të politikës.
Këto beteja i kam mbështetur vazhdimisht si deputet duke i quajtur nga foltorja e Parlamentit “deputetë mielli”.
Basha vendosi të fusë të gjithë kryetarët e partive parlamentare në listat fituese.
Në fakt disa prej tyre janë SHPK dhe pa elektorat, por deputetë të dalë nga listat e PD-së.
Zgjedhja e Bashës u respektua nga unë.
Por u largova nga Partia Demokratike sepse kishte shumë komunistë aty brenda dhe vendosa të dal me kandidatët e mi në 12 qarqe.
Këto janë kosto që do i marr PD-ja dhe rezultati im do të jetë surprizë në Lezhë, sepse zyrtarisht sot jam e vetmja opozitë”, tha Ndocaj.
ma.me
