Drejtori i Përgjithshëm i Policisë së Shtetit Haki Çako ka deklaruar në përfundim të “superaksionit” në Elbasan, se të tilla operacione masive me pjesëmarrjen e policisë dhe forcave speciale, do të kryhen në të githa qytetet e vendit në ditët në vijim.
Fokusi i këtyre aksioneve të mëdha, është goditja e grupeve kriminale, është shprehur Haki Çako.
“Prej orëve të para të mëngjesi policia e Elbasanit, e mbështetur nga forcat speciale, kanë organizuar një operacion të gjerë, i cili konsiston në krontrollin identifikimin e shoqërimin e personave me precedent kriminalë, në mënyrë të veçantë të personave me precedentë kriminalë në zonën e Elbasanit, duke marrë shkas dhe ngjarjen e fundit të ndodhur”-tha Çako.
Ne kemi ndërrmarë këtë operacion i cili nuk do të jetë vetëm në qytetin e Elbasanit por në të gjithë qytetet e tjera u shpreh ai.
Haki Çako ka folur gjithashtu dhe për Audin e blinduar i cili goditi me forcë policinë e shtetit disa ditë më parë, teksa patrullat po kryenin një aksion. Kreu i Policisë deklaroi se personi është identifikuar, por është rezervuar në dhënien e detajeve.“Personi është identifikuar, të gjitha procedurat janë kryer, jemi në një proces intensiv bashkëpunimi me prokurorinë. Janë shoqëruar një numër i konsiderueshëm njerëzish dhe do të shoqërohen të gjithë ata që dyshohet se janë pjesë e grupeve kriminale.”- tha kreu i policisë. /ma.me
