Temperaturat do të fillojnë të bien më 2021, mësohet sipas një modeli matematikor të energjisë magnetike të Diellit.
Kjo, thonë shkencëtarët, do të çojë në fenomenin e njohur si “Minimumi i Çmendur” – që më parë është njohur si “mini epoka e akullt” që ndodhi mes viteve 1646-1715, duke bërë që Lumi Thames i Londrës të ngrihej komplet, transmeton Gazeta Express.
Studimi thotë se mes viteve 2020 dhe 2030, ciklet diellore do të pengojnë njëra-tjetrën. Hulumtuesit, të udhëhequr nga profesoresha e matematikës Valentina Zharkova në Universitetin Northumbria, mbështeten në hulumtimet e mëparshme që parashikojnë valët magnetike të prodhuara nga Dielli.
Megjithatë, ajo paralajmëron se modeli i saj nuk mund të përdoret si dëshmi e një mini epoke të akullt – pjesërisht për shkak të ngrohjes globale.
“Shpresoj se paralajmërimi global do të anashkalohet nga ky efekt, duke i dhënë njerëzimit dhe Tokës 30 vjet kohë për ta zgjidhur problemin e ndotjes”, tha ajo për Sky News.
Modeli parashikon se valët kompensohen gjithnjë e më shumë gjatë Ciklit 25, i cili arrin kulmin në vitin 2022. Gjatë Ciklit 26, që mbulon dekadën nga 2030-2040, dy valët do të mbesin jashtë dhe kjo do të shkaktojë reduktim të ndjeshëm të aktivitetit diellor, transmeton Gazeta Express.
Parashikimet nga ky model sugjerojnë se aktiviteti diellor do të bie për 60% gjatë 2030’ës, thuhet sipas rezultateve. Dr. Zharkova kishte publikuar edhe më herët hulumtime rreth këtij fenomeni, dhe në publikimin e ri, të bërë këtë vit, ajo vetëm i forcon gjetjet e saj të mëparshme.
