Eksperti amerikan i sëmundjeve infektive Anthony Fauci ka paralajmëruar se vendi mund të shohë “rritje të valëve” të rasteve të koronavirusit në javët e ardhshme.
Miliona njerëz po kthehen në shtëpi pas festës së Falënderimeve.
Duke folur të Dielën, ai tha se “nuk ishte vonë për ata që ende nuk kishin udhëtuar për të ndihmuar në frenimin e virusit duke mbajtur maska dhe duke u distancuar nga shoqëria”, raporton BBC.
SHBA ka regjistruar më shumë se 13 milionë raste koronavirus dhe më shumë se 266,000 njerëz kanë vdekur.
Që nga e diela, numri i rasteve Covid-19 të regjistruara në nëntor ka tejkaluar katër milion, dyfishin e shifrës së regjistruar në tetor.
Ekspertët shëndetësorë kishin bërë thirrje që njerëzit të kalonin ‘Falënderimet’ në shtëpi, por këtë javë aeroportet e SHBA shënuan periudhën e tyre më të ngarkuar që nga mesi i Marsit.
g.kosovari
